Við erum um þessar mundir að taka í notkun nýjan Mercedes Benz Sprinter. Bíllinn er hlaðinn búnaði frá Benz og má þar nefna 6 cyl mótor 184 hö, sjálfskiptingu, olíumiðstöð, upphituð framrúða, aðgerðarhnappar í stýri, álfelgur, hjálparlokun á hliðarhurð og fl.

 Hér heima var sett í bílinn sérhönnuð ORSY Mobile bílainnrétting frá okkur ásamt verkfærum og öðrum vörum sem gerir okkur enn betur fært að koma vörum okkar og þjónustu á framfæri, en áður hefur þekkst.

ORSY Mobil bílainnréttingarnar frá okkur eru að sjálfsögðu til í ýmsum útfærslum og hægt að sníða að hvaða bíl sem er, stórum sem smáum. Einnig fáanlegar fyrir skutbíla og aðra fólksbíla. Þetta eru árekstraprófaðar einingar sem raðað er saman að óskum hvers og eins, allt frá einföldustu hillu til hinnar veglegustu skúffuhirslu með vinnuborði, skrúfstykki og þ.h.

Bílaklæðningar Ragnars Valssonar klæddi bílinn að innan og Spes Art sá um merkingar.