|
Ágætu
þátttakendur í Wurth Iceland – football&fun
Nú um helgina fer fram Wurth Iceland –
football&fun knattspyrnumótið. Ætlunin er að hafa
léttleikann og skemmtilegheitin í fyrirrúmi. Á mótið mæta fjölmörg íslensk lið,
bæði úr Höfuðborginni og eins utan af landi. Auk þess mæta a.m.k. 4 erlend lið
og a.m.k. tveir fyrrum leikmenn í ensku knattspyrnunni; Mark Walters (Liverpool)
og Clayton Blackmore (Man Udt). Þeir munu leika með sérstöku úrvalsliði. Ég óska
þess að menn lesi neðangreind atriði með nokkuð góðri
athygli!
Dagskráin er sem hér
segir:
Föstudaginn 2.
nóvember er móttaka fyrir keppendur og fylgdarlið hjá
Orkuveitu Reykjavíkur, Bæjarhálsi 1. Móttakan hefst kl. 17:30 og stendur til
kl. 19:00. Þar verður mótið kynnt með formlegum hætti og gestum gefst kostur á
að ræða við mann og annan og gæða sér á góðum veitingum. Menn eru eindregið
hvattir til þess að mæta í þessa móttöku og eiga góða stund
saman.
Laugardagsmorgunn 3.
nóvember hefst svo knattspyrnumótið kl. 10:00 í Egilshöll.
Minnt er á að mæta tímanlega og öll lið verða búin að leika fyrsta leik kl.
10:30. Liðum verður skipt niður í riðla miðað við aldur; 30 ára og eldri og svo
40 ára og eldri. Í Egilshöll verður sérstakur salur fyrir keppendur þar sem hægt
verður að fá ýmsar veitingar. Að auki verður þar skjár þar sem m.a. verður hægt
að horfa á leik Arsenal og Manchester United. Búist er við að mótinu ljúki um
kl. 15:00.
Laugardagskvöld 3.
nóvember er síðan lokahóf í Fylkishöll. Húsið opnar kl.
19:30 og er miðað við að hófið standi til miðnættis. Þá geta
menn annað hvort farið heim eða enn frekar út á lífið. Á lokahófinu verður boðið
upp á glæsilegan hátíðarkvöldverð auk þess sem boðið verður upp á skemmtiatriði,
happdrætti og verðlaunaafhendingu.
Athugið
sérstaklega:
Keppendur geta tekið maka sína á lokahófið og
kostar það 3.000 krónur. Mjög gott væri að fá að vita tímanlega hversu margir
gestir koma í tengslum við hvert og eitt lið. Hægt er að tilkynna slíkt á
laugardagsmorgunn.
Við óskum eftir því að lið verði búin að greiða þátttökugjald (30 þúsund
krónur að lágmarki) fyrir kl. 12:00 á föstudag. Þannig vitum við nákvæmlega
fjölda liða sem tekur þátt í mótinu. Þetta er gert til þess að forðast leiðindi
og endurröðun á leikjum á laugardag.
Greiða skal þátttökugjaldið á eftirfarandi reikning.
Takið fram fyrir hvaða lið er verið að greiða:
Banki: 0525
Höfuðbók: 26
Reikningsnúmer: 6066
Kennitala: 150860 –
4669
|
