Würth á Íslandi er stoltur styrktaraðili UI Racing Team

Um er að ræða þróunarverkefni við Háskóla Íslands sem snýst um að hanna og smíða eins manns rafknúinn kappakstursbíl frá grunni.
Bíllinn er síðan fluttur til Englands þar sem hann tekur þátt í alþjóðlegu keppninni Formula Student, en keppnin fer fram á hinni sögufrægu Silverstone kappakstursbraut. [meira]

Würth á Íslandi er stoltur styrktaraðili UI Racing Team

Um er að ræða þróunarverkefni við Háskóla Íslands sem snýst um að hanna og smíða eins manns rafknúinn kappakstursbíl frá grunni.

Bíllinn er síðan fluttur til Englands þar sem hann tekur þátt í alþjóðlegu keppninni Formula Student, en keppnin fer fram á hinni sögufrægu Silverstone kappakstursbraut.

Sumarið 2011 tók Háskóli Íslands í fyrsta skipti þátt í keppninni og náðist þá það góður árangur að liðið hlaut Teamwork Award verðlaun frá flugvélaframleiðandanum Airbus. Þau verðlaun eru veitt úrræðagóðu og samheldnu liði sem sýnt hefur fram á það við hönnun og smíði síns bíls. Voru verðlaunin staðfesting á hve liðinu tókst vel til í keppninni.

Í ljósi þess árangurs sem liðið náði sumarið 2011 var ákveðið að halda áfram með verkefnið og setja markið enn hærra. Er takmarkið nú að vera með umhverfis-vænasta bíl keppninnar og mun öll hönnun og smíði taka mið af því.

Hönnun bílsins mun fara fram haustið 2011 og er áætlað að henni verði lokið fyrir jól það ár. Strax í kjölfarið hefst smíðin sem mun taka nokkra mánuði og standa fram á vor.

Þegar smíðinni er lokið munu prófanir á bílnum fara fram, en þá gefst tími til þess að fínstilla bílinn fyrir keppnina sjálfa sem verður haldin á Silverstone brautinni í júlí 2012.